حاجات كتير ضاعت ..تاهت برغبتنا ..
لا قلنا لية ضاعت ..مبقتش لية ف بيتنا ؟؟
ولاحتي فكرنا .. نلم اسرارنا ..وتعود محبتنا
حاجات كتير ضاعت ..لكن برغبتنا
مين يا حبيبتي يهون .. لو حبنا وظنون
تبقي الكرامة لمين ..الحب كرامتنا
ولو صحيح عشاق .. ما نظن في الاشواق
ولا ننسي قصتنا
حاجات كتير ضاعت ..لكن برغبتنا
انا قصدي اقول موال ...حزين لكنة سؤال
ياليل يا عين يازمن ..ياحب يا عشاق
موت الحقيقه التمن .. للبعد والاشواق
والا المحبة قرار راسخ في قصتنا ؟؟
حاجات كتير ضاعت ...لكن برغبتنا
لما الحبيب يبعد ..اشتاق له مرة يعود
والا اوريلة في البعد الف صدود
الشك يا غربتي في الغربة موتنا
حاجات كتير ضاعت لكن برغبتنا
الحب شوق وجنون ..والغيرة قتاله
تبعت في ليل البعد من سمها رسالة
تنخر عظام الحب وتبدل الحالة
واحنا اللى كنا اتنين والحب جنتنا
حاجات كتير ضاعت لكن برغبتنا
والله بكتب ليك ..ولقلبك المجروح
لكني من بعدك .. اللهفة ما بتروح
وانت اللى مستني في الصحرا ميتنا
تزرع بأيدك شوك .. والقصد زهرتنا
حاجات كتير ضاعت لكن برغبتنا
لو كنت مرة تعود يا طيري يا مهاجر
مطر الحنان ينزل ع الارض يحييها
وكل ليلة ألم .. تروي العطش فيها
وعلى لحن نور الامل ترقص فراشتنا
وحاجات كتير تاهت ..ترجع لسكتنا